Big Bang

රාත්‍රී අහස දිහා බලන් ඉන්නකොට, ඔයාට කුඩා කුතුහලයක්, වගේම විශ්මයක් එකවර දැනෙන්නට පුළුවන. ඒ පුංචි, දිලිසෙන තරු දිහා බලලා, "මේ හැමදේම කොහොමද පටන් ගත්තේ?" කියන ප්‍රශ්නය එක වතාවක් හරි ඔයාගෙන්ම අහලා ඇති.

ඇත්තම කිව්වොත්, ඈත අතීතයේ ඉදන් මිනිස්සු අහපු ප්‍රශ්න වලින් එකක් තමයි ඒක. ඒකට විද්‍යාඥයෝ හොයාගත්ත උත්තරය ඇත්තටම හිතා ගන්න බැරි තරම් හරිම පුදුම සහගතයි.

අතිශය ඈත අතීතයක පෘථිවිය, හිරු හෝ කිසිම තාරකාවක් බිහිවෙන්න කලින් විශ්වයක් තිබුණේ නෑ. පැවතියේ ශුන්‍යතාවක් (Nothingness) පමණයි. කොහොම හරි ඒ හිස් අවකාශය තුළින් ඉතාම පුංචි තිතක් මතුවෙලා තියෙනවා.

මෙම ලක්ෂ්‍යය කෙතරම් කුඩා වුණාද කියනවා නම්, අපට අල්ලන්න, දකින්න, ස්පර්ශ කරන්න පුලුවන් ඕනෑම දෙයකට වඩා සැලකිය යුතු ලෙස කුඩා වුණා.

ඒ පුංචි තිත ඇතුළේ එක තැනකට තෙරපිලා, විශ්වය කවදා හෝ බවට පත්වෙන හැම දෙයක්ම තිබිලා තියෙනවා—, ඒක ඇත්තටම සිතා ගන්න අමාරු දෙයක්. හිතන්නකෝ, ඔයාගේ ඇඳුම්, ගෘහ භාණ්ඩ, ඔයාගේ ගෙදර, සහ මුළු නගරයම වැලි කැටයක් ඇතුළේ හිර කරලා තියෙනවා කියළා!

කාටවත්ම නිශ්චිතව කියන්න බැරි හේතුවක් මත, මේ ලක්ෂ්‍යය ඇසි පිය හෙලන වේගයෙන් පුළුල් වෙන්න පටන් ගත්‍තා. විශ්වය ක්ෂණිකව සිය උපරිම ශක්තිය යොදා ගෙන ප්‍රසාරණය වෙන්න පටන් ගත්තා.

විද්‍යාවේදී මෙම සිදුවීම මහා පිපිරුම (The Big Bang) ලෙස හැඳින්වෙනවා.

නම ඇහුවම වෙඩි හඬක් නැත්නම් බෝම්බයක් වගේ තේරුණත්, ඒක ඇත්තටම පිපිරීමක් නෙවෙයි. ඒක හරියට දිග හැරීමක්, ප්‍රසාරණයක් වගේ.

විශ්වය පුළුල් වුණ නිසා, එය සිසිල් වෙන්න පටන් ගත්තා. මේ සිසිල් වීමත් එක්ක, මූලික අංශු (Elementary Particles) බිහි වුණා. මෙම අංශු එකතු වෙලා පරමාණු නිර්මාණය වූ අතර, ඉන් පස්සේ වසර මිලියන ගණනක් පුරා, ඒ පරමාණු විශාල වායු වලාකුළු (Nebulae) ලෙස එක්රැස් වුණා. ගුරුත්වාකර්ෂණ බලය හේතුවෙන් මෙම වලාකුළු දැඩි ලෙස තෙරපිලා, ඒවා පළමු තරු විදිහට දීප්තිමත් වුණා.

ඉන් පසු තවත් තාරකා බිහි වුණා. ඒවා එකතු වී මන්දාකිණි (Galaxies) නිර්මාණය කළා. එම මන්දාකිණි වලින් එකක් වන අපගේ ක්ෂීරපථය තුළ, සාපේක්ෂව කුඩා වූ තාරකාවක් බිහි වුණා. එම තාරකාව වටා ග්‍රහලෝක හැඩ ගැසෙන්නට පටන් ගත්තා. එම ග්‍රහලෝක අතරින් එකක් අවසානයේදී වායුගෝලය, ජලය සහ භූමිය සහිතව ජීවය සඳහා සුදුසු පරිසරයක් බවට පත් වුණා.

ඒ ග්‍රහලෝකය අප සැමගේ නිවහන වෙන පෘථිවියයි.

මේ සංකල්පය කෙතරම් විස්මිතද කියලා ඔයාට වැටහෙනවද? ඔයා වටේ තියෙන හැමදේම, ඔයාගේ හුස්මෙහි තියෙන පරමාණු, ඒ හැමදේම විශ්වයේ අතීතයේ පුංචි තිතක උපත ලබලා තියෙන්නේ!

විශ්වය තවමත් පුළුල් වෙනවා. මන්දාකිණි තවමත් එකිනෙකාගෙන් දුරස් වෙනවා. මහා පිපිරීම සිද්ධ වුණාට පස්සෙත් විශ්වය වර්ධනය වීම නැවතී නැහැ.

විද්‍යාඥයන් මේ සිද්ධාන්තයට තහවුරු කරගත්තේ විශ්වය විසින් ඉතිරි කර ඇති සාක්ෂි විශ්ලේෂණය කිරීමෙන්.—එනම්, මහා පිපිරුමෙන් ඉතිරි වූ ක්ෂුද්‍ර තරංග විකිරණ (Cosmic Microwave Background), මන්දාකිණිවල චලනය වැනි කරුණු සලකා බැලීමෙනි.

විශ්වයේ කිසිවක් හුදෙක් අහම්බෙන් පහළ වුණේ නැහැ කියන දේ "Big Bang" සංසිද්ධිය අපට මතක් කරලා දෙනවා; සෑම දෙයකටම පැහැදිලි ආරම්භයක්, ඉතිහාසයක්, සහ සිදුවීම් දාමයක් තියෙනවා. විශේෂයෙන්ම මිනිස් වර්ගයාටත් එය පොදුයි.

ඔබ මීළඟ වතාවේ අහස දෙස බලන විට, මේ සියල්ලේ ආරම්භය කෙතරම් පුදුමාකාර ද, අලංකාර ද යන්න මොහොතක් කල්පනා කරන්න. ශුන්‍යතාවයෙන් ආරම්භ වූ විශ්වයක්, ග්‍රහලෝක, ජීවය සහ ප්‍රශ්නවලින් පිරුණු ස්ථානයක් බවට පත් වූයේ කෙසේද යන්න ගැන සිතන්න.

මෙය හුදෙක් විද්‍යාත්මක සංසිද්ධියක් පමණක් නෙවෙයි.

මෙය විශ්වයේ වගේම ඔබගේත් කතාවයි.!