Hybrid Learning

අධ්‍යාපනයේ අලුත් පෙරළිය: Hybrid Learning

අද කාලේ අධ්‍යාපනය ලොකු වෙනසකට ලක් වෙමින් පවතිනවා. ඉස්සර වගේ පන්තියකටම වෙලා ඉගෙන ගන්නවා වෙනුවට, තාක්ෂණයත් එක්ක මිශ්‍ර වුණු අලුත් ක්‍රම වලට ලෝකය හුරු වෙනවා. මෙහි පෙරමුණේම තියෙන්නේ Hybrid Learning එහෙමත් නැත්නම් Blended Learning කියන ක්‍රමය.

මොකක්ද මේ Hybrid Learning කියන්නේ?

සරලවම කිව්වොත්, Hybrid Learning කියන්නේ සාම්ප්‍රදායික පන්ති කාමරයේ ඉගැන්වීම් ක්‍රම සහ අන්තර්ජාලය හරහා කෙරෙන ඉගැන්වීම් (e-learning) යන දෙකේම එකතුවක්. මෙහි අරමුණ ගුරුවරයාව අයින් කරන එක නෙවෙයි, තාක්ෂණය පාවිච්චි කරලා අධ්‍යාපනය තවත් දියුණු කරන එක..

Hybrid ක්‍රමයක තියෙන ප්‍රධාන කොටස්

සාර්ථක Hybrid ඉගෙනුම් ක්‍රමයක මේ කියන දේවල් අන්තර්ගත වෙනවා:

මුහුණට මුහුණ ඉගෙනීම (Face-to-Face): සාම්ප්‍රදායික විදිහට පන්තියට ගිහින් ගුරුවරයාගෙන් ඉගෙන ගැනීම සහ ප්‍රායෝගික වැඩ වල නිරත වීම.

එසැණින් සම්බන්ධ වීම (Synchronous Virtual): ගුරුවරු සහ සිසුන් එකම වෙලාවක අන්තර්ජාලය හරහා (උදාහරණයක් විදිහට Chat කිරීමෙන්) සම්බන්ධ වීම.

පසුව සම්බන්ධ වීම (Asynchronous Virtual): විවිධ වෙලාවන් වලදී Discussion boards හෝ Email හරහා අදහස් හුවමාරු කර ගැනීම.

තමන්ට රිසි පරිදි ඉගෙනීම (Self-Paced): ගුරුවරයා දෙන පාඩම් මාලා හෝ Assignment තමන්ට පහසු වෙලාවක තනිවම අධ්‍යයනය කිරීම.

ඇයි මේ ක්‍රමය වැදගත් වෙන්නේ?

පැරණි ක්‍රම වලදී ගොඩක් වෙලාවට සිසුන් නිකම්ම අහගෙන ඉන්න පිරිසක් බවට පත් වෙනවා. ඒත් Hybrid ක්‍රමය නිසා අධ්‍යාපනය ශිෂ්‍යයා කේන්ද්‍ර කරගත් එකක් බවට පත් වෙනවා.

මෙහි තියෙන වාසි කිහිපයක්:

නම්‍යශීලී බව: සිසුන්ට තමන්ට කැමති වෙලාවක ඉගෙන ගන්න අවස්ථාව ලැබෙන නිසා ඔවුන්ගේ නිර්මාණශීලීත්වය දියුණු කරගන්න ඉඩ ලැබෙනවා.

පහසුව: දුර ප්‍රමාණය හෝ කාලය පිළිබඳ ගැටලු මෙහිදී බාධාවක් වෙන්නේ නැහැ.

සාර්ථක ප්‍රතිඵල: පර්යේෂණ වලින් පෙනී ගොස් තිබෙන්නේ සාම්ප්‍රදායික ක්‍රමයට වඩා මේ ක්‍රමය නිසා සිසුන්ගේ උනන්දුව සහ ලකුණු මට්ටම ඉහළ යන බව.

අවසාන වශයෙන්

අනාගත ලෝකයේ අභියෝග වලට මුහුණ දෙන්න නම් තාක්ෂණය අධ්‍යාපනයට එකතු කරගන්න එක අත්‍යවශ්‍යයි. Hybrid Learning කියන්නේ පන්ති කාමරයේ තියෙන මානුෂීය සම්බන්ධතාවයත්, අන්තර්ජාලයේ තියෙන අසීමිත දැනුමත් එකට එකතු කරන ඉතාම සාර්ථක අනාගත අධ්‍යාපන ක්‍රමවේදයක්. අධ්‍යාපනය නව මානයන් ඔස්සේ අලුත් වෙද්දී තමයි හොඳම ප්‍රතිපල ගන්න පුළුවන්.